Articulo 33 ta duna cierto ambtenaar cierto poder pa por controla ora cu topa cu personanan cu ta trahando na negoshinan. Sra. Trudy Hassel, di Migracion Aruba ta splica.
Ta pidi e personanan aki pa nan identidad y nan permiso, cual ta pidi pa ta original. Motibo di esaki ta cu nan experiencia di añanan largo na Guarda Nos Costa ta falsifica documentonan, y ta cana cu copianan. Un copia ta facil pa falsifica. P’esey no ta acepta copia pero original. Ta aplaudi doñonan di trabao, den nan file nan tin copia di e permiso di cada empleado. Ora cu Guarda Nos Costa haya e copia aki, ta bay control’e den nan sistema hutno cu DIMAS/SIRSA pa wak si e gegevensnan ta veridico.
Pero si ta controla na un luga unda ni e doño di trabao of e empleado tin documento cu por wordo verifica como original y bon, e persona lo wordo treci na Guarda Nos Costa, unda lo sigui cu e investigacion, cual ta e proceso normal.
Guarda Nos Costa na varios ocasion a haya nan cu e persona cu a trece e centro di detencion, ora di check en berdad nan tin nan permiso. Nan por evita esaki door di cana cu nan documentonan original.
Den caso cu e permiso a caduca, e persona ta haya 3 luna pa entrega un peticion pa extension. Pero den practica hopi hende no ta cumpli cu e rekisito pa 3 luna prome nan haci nan peticion pa prolongacion. E ora e persona ta wordo treci Guarda Nos Costa, pa check den SIRSA pa por verifica si enberdad e permiso lo wordo saca. Si acaso DIMAS confirma na Guarda Nos Costa, nan lo bay duna e permiso un “meldingsplicht cu werkverbod” te ora cu DIMAS saca e permiso y ta legal pa por traha, segun Sra. Trudy Hassel, di Migracion Aruba.