Despues di a saca lot pa loke ta color di partido y numeracion riba stembiljet, presidente di Conseho Electoral, mr. Glenn Thode, a splica durante un reunion publico, cu articulo 30 di ley di eleccion ta determina cu diaranson, mester asigna, determina un asignacion conforme lot di e secuencia di e listanan cu a wordo entrega, cu a wordo declara valido tambe riba e stembiljet, e documento cu ta haya ora di bay vota. Tambe a ser asigna e color cu cada un di e listanan aki ta haya imprimi riba e biyete eynan, cu tambe a bay conforme e articulo 30 aki.
E resultado aki a wordo comparti durante e reunion publico. Despues di esaki, e proximo biaha cu bin cerca otro, como Hoofdstembureau, den un reunion formal, ta ora di determina e resultado di eleccion, cual ta dia 27 di September venidero.
Awor aki tur partido y nan number cu ta aparece riba e documento oficial di votacion. Thode ta sigui splica cu semper ora cu ta percura pa ora cu imprimi e colornan, ta facil pa distinguinan visualmente. E lista riba dje, bo ta mira e nomber di e candidatonan, pero tambe esnan cu por ta tin mas dificultad pa lesa, of pa un of otro motibo, lo ta mas enfoca riba color. E colornan ta suficiente cla pa e candidatonan por bisa e hendenan cu lo tin gana di pone nan confiansa riba dje, riba cua lista nan ta y riba cua color.
Glenn Thode a remarca cu unico cos cu a haci, ta tur e preparacionnan pa dia 22 cana soepel, mas suave posibel. Esaki ta algo cu a sinta prepara pa basta tempo caba. E preparacionnan rond di e hokinan di vota ta den caminda. Reuni cu e miembronan di stembureau tambe ta na caminda. Mester a warda pa e reunion cu a tuma luga diaranson, prome cu imprimi e biyetenan. Ta algo cu awo ta bay cuminsa.
Thode a repasa e biyetenan, con e ta bay ta.
Riba e biyete ta bay tin:
1. Raiz, y e color lo ta shinishi.
2. PPA/UPP, cual lo tin e color kaki.
3. MEP, cual lo tin e color geel.
4. Curpa, cual lo tin e color biña scur.
5. POR, cual lo tin e color blauw scur.
6. MAS, cual lo tin e color blauw cla.
7. RED, cual lo tin e color blanco.
8. AVP, cual lo tin e color berde.
Esey ta e secuencia di e biyete. Pa dia 22 di September, ora cu ta para den e hoki y habri e biyete, esey ta e secuencia cu lo bay mira.