Tur aña Fundacion Respetami ta traha ariba un tema anual. E aña aki a trata abuso di mucha homber. Sra. Jeamiree Van der Werf, Preventie Medewerkster na Fundacion Respetami, ta amplia.
Den luna di augustus a tene anochinan di informacion na MFA-nan y hopi ta e mayornan cu a bay e reunionnan cu nan yiunan homber. Den luna di november Fundacion Respeta Mi a conscientisa pueblo pa uzo vooral e plataforma di Facebook, pa haya informacion tocante e tema aki. Pa otro aña lo bin cu otro tema pa cual comunidad lo mester keda pendiente di esaki. Y lo traha ariba actividadnan rond di e tema aki.
LANTAMENTO DI MUCHA
En berdad, dia 20 di november ta Dia Internacional di Dia di Mucha, pero e siman di 19 pa 25 di november, ta e siman di lantamento di mucha. Dus e ‘opvoedingsweek’, cual ta e prome di Aruba. Ta importante pa mayornan y pueblo en general ta consciente y reflexion di con nan ta lanta nan yiunan. Tambe e manera con nan a wordo lanta, tin influencia ariba nan manera di lanta nan yiunan. Tur mayor tin mesun estilo di lanta nan yiu. Y mas consciente nan ta di esaki, mas miho, pa brinda nan yiunan cu e miho tool. Mayornan mester tools, pero muchanan tambe mester di tools pa ta un miho ciudadano den e sociedad di futuro.
Awendia, ambos mayor ta traha y ta e welonan ta esun cu ta cuida di e yiunan. Esaki e problema cu hopi hende ta hayanan enfrenta cun’e. E no ta mesun cos cu si mama ta keda cas. Ta bon tin un balans, pa asina nan haya momento pa nan yiunan, pa toch nan tin nan momento pa dunanan atencion, duna atencion na nan yiunan. Esaki ta importante pa nan no bay busk’e otro caminda.
Fundacion Respeta Mi pa dia 20 di november ta spera cu e comunidad di Aruba ta mas consciente di articulonan di Tratado di Derecho di Mucha. Pa nan por uza esaki tambe diariamente, no solamente tin tratado pero esaki mester wordo cumpli cun’e, e bienestar di e mucha mester wordo teni na pecho. Y tur 54 articulo di e Tratado merece atencion. Y e mucha mester tur 54 pa e desaroya sanamente pa e por bira miembro di sociedad saludabel den futuro. Te asina leu, Sra. Jeamiree van der Werf, Preventiemedewerkster na Fundacion Respetami.