Sindicato TOPA a tuma nota di declaracionnan di sindicato SADA, Sr. Eduard Maduro, pa locual ta e ontheffing/nombramento di un ambtenaar den un posicion, cual e no ta capacita pe. Di parti di sindicato TOPA, a pone pon atencion na e keho cu a bin dilanti di presidente SADA.
Sr. Rene Bernabela, lider sindical di TOPA, a splica cu aña pasa, sindicato TOPA a señala e pensamento pa locual ta e introduccion di e asina yama ‘Integriteitskamer’, y el a wordo tuma na malo pa su comentario duna. Den e caso cu e presidente di SADA a trece dilanti, a duna rason ariba e punto di sindicato TOPA cu trece esaki dilanti, e tempo ey. Ora ta papia di integriteitskamer, ta un aspecto basta delicado, cu tin cu para keto un rato y wak den ki direccion kier bay pa locual ta e parti di “Integriteitskamer” aki. Tur locual a tuma luga den e caso aki, despues di cual presiente di SADA a denuncia, tin cu bisa cu tur instituto cu tin di haber cu ontheffing, benoeming, cu a wordo regla den un Landsbesluit a faya. E Landsbesluit a wordo formalisa contra di ley. E ta un aspecto cu ta p’esey sindicato TOPA aña pasa, ora cu a yama e rueda di prensa, nan a duna nan punto di bista pa locual ta e “Integriteitskamer”. Sindicato no ta contra di esaki, pero a duna e motibo tempo cu nan a yama e rueda di prensa, di kico tabata nan preocupacion biniendo cu e integriteitskamer.
Por corda tambe cu e motbo pa cual a señala esaki, a bay bek den tempo na 1994- 95, e tempo ey tambe gobierno a binn cu locual nan a yama un “glazenhuisje’, cu tabata e comienso di e introduccion di e “Integriteitskamer”. E tempo aya, esunnan cu kier a bin cu’n Integriteitskamer pa tur ambtenaar. Y dia e integriteitskamer, pa lke ta su introudccion na e ambtenaar, tur esunnan cu tabata den e sala e momento ey, ya cu a duna un introduccion na tur ambtenaar presenta, pero esunnan cu ta cubri e ‘funcion di ehempel’, no tabata sinta mes den e sala.
E ora e pregunta ta keda, con kier introduci un ‘Integriteitskamer’ e tempo ey, si tur esunnan cu tabata mester a duna ehempel, p.e., e mandatarionan mes no tabata den e sala. Introduccion di Integriteitskamer, mester ta di top te cu abao, y no di mei mei bay abao, ya cu e no ta bay funciona.
Na 1994-95, ‘t Glazenhuisje, no por a wordo implenta pa ambtenaar, pero esunnan cu mester duna ehempel, ta keda afo. Es decir, e no ta wordo aplica pa nan. Y awo ta wak e desenlace, y tur instituto cu tabata tin te maken cu e ontheffing, benoeming, pa loke ta e parti di Lansbsluit tur a faya pa nan hazaña pa formalisa y nombra e persona aki, pa un formacion academico.
Locual TOPA ta bisa cu tur instittuo cu tabata tin te maken cu e ontheffing, benoeming di e ambtneaar aki, tur a faya. Y cu tur a faya, kiermen cu tur a faya den e redaccion di e Landsbesluit aki. Sr. Bernabela ta di opinion, cu esunnan responsabel, e gobernantenan, lo mester tuma medida pa locual ta e fayo di e decision tuma.