Den un reciente entrevista cu dokter Wilmer Salazar, e ta splica di evalua situacion di Zika, Dengue cu Chikungunya. Mescos manera Covid-19, hopi hende hoben ta pensa cu nan no ta vulnerabel pa haya e virus.
Sinembargo den caso di Zika, Dengue cu Chikungunya tur hende por haya esaki. “No ta cuestion cu si un persona ta mas saludabel of come bon, e no ta hay’e”, sr. Salazar ta splica.
Cualkier grupo di edad por ta vulnerabel pa haya e malesa cu ta bin cune y por ta complica. Un caso cu el a menciona ta un hende hoben di 16 aña cu a fayece na Aruba, el a haya un shock hemoragico.
“Nos tur por haya e malesa cu cualkier sangura ta transmiti y e por ta un problema serio”, e ta splica. Pa e motibo aki e ta bisa cu mester ta preventivo of tuma accion den cas, of bario pa evita e criadero di sangura. E parti di higiena ta keda importante.