Segun Sr. Dennis Burke, presidente di Centro di Bario Playa Pabao, tur hende mester ta humilde den bida, bo no mester tin placa of posicion pa ta un lider. E ta amplia mas ariba esaki.
Tur hende por ta lider, si nan ta domina e siguiente puntonan: comunicacion, responsabilidad, y disciplina. Ya tin mas di binti persona cu a registra caba. Esaki kiermen cu tin luga pa solamente cinco persona mas.
E ta un regalo pa bo mes, segun Sr. Burke, ta pa inverti den bo mesun desaroyo y participa den e workshop “Para keto na bo mes”. Otro actividad cu Centro di Bario Playa Pabao ta dia 11 di Maart unda lo tin Aruba Doet. Esunnan cu kier participa na Aruba Doet na Centro di Bario Playa Pabao, subi e website di Aruba Doet y inscribi.
Bo no mester ta un boluntario pa un dia so, inscribi pa ta un boluntario pa henter aña. Dia 18 di maart tambe lo bay celebra Himno y Bandera na Centro di bario Playa Pabao. Informacionnan lo wordo suministra despues.
Manera tur aña lo eligi Persona Cultural, persona cu ta bay haya un homenahe ariba 18 di maart. ya caba Sr. Dennis Burke, Presidente di Centro di Bario Playa Pabao ya caba tin un persona den mente, pero esaki mester wordo trata den Directiva ainda pa e wordo ratifica.