Campaña, programa di partido y goberna ta diferente si mira desaroyonan cu ta pasando den e ultimo Gobiernonan, cu no tur cos cu a bisa como Gobierno ta ser cumpli ta loke a puntra Ernst Mohamed, presidente di Camara di Comercio.
Na cuminsamento di e aña aki a sinta cu tur partido politico, a sinta cu varios gremio, cu banco, cu tur hende. Camara di Comercio ta bezig cu un wide paper di Camara di Comercio cu lo sigura pa 2017 pa 2020, kico e sector economico di Aruba mester ta den dje. Y akinan tambe ta bay mara tur e partidonan aki cu e documento aki, despues di e debate, aki dos siman ta spera cu ta cla cu e documento y tur lider lo firma pa nan ta di acuerdo cu locual ta bezig cun’e. Cu a discuti cu nan, cu nan ta bay di acuerdo cu loke tin cu pasa, no solamente economicamente, pero social y den crimen riba nos isla. Ta spera cu tur partido tambe, core campaña ta un cos, pero ora ta sinta eynan, ta otro.
E documento aki ya tin e base caba con bo por, ki decision mester tuma. Ta conciente cu tin biaha tin cu tuma decisionnan cu no ta popular, pero tin decisionnan cu tin cu tuma pa percura pa e economia sigui bay dilanti den futuro. Y eynan ta basa. No ta basa mas riba e negativo pasado, pero riba un positivo futuro.
Mohamed ta conseha tur Gobierno y tambe nan ta traha riba dje, ta cu mester tin un plan strategico. Tur hende tin un plan y esey e debate aki lo bay riba dje. Ki plan bo tin, kico bo tin pa nos cu bo tin preto riba blanco of tin den bo cabes cu por yuda nos sociedad bay dilanti. Esey ta importante.
Camara di Comercio tambe ta trahando awo y pesey ta haciendo hopi cos, trahando basa riba un plan strategico. Tur Gobierno y tur hende ta trah’e, pero tin cu djis mantene na dje. Un manera cu nan ta traha riba un plan strategico ta na momento cu traha riba presupuesto. Cada kwartaal tin cu evalua unda ta, unda cu a keda y unda ta bay. Camara di Comercio lo bay tene tur lider politico aki na e plan di vision di Camara di Comercio pa loke ta e sector di comercio.