No tin un ley bon defini pa bon gobernacion, pero tin normanan internacional. Hasta na Aruba, e normanan aki a wordo compila door di mr. Mito Croes, d.f.m. El a pone e normanan di bon gobernacion bou di otro , den e rapport Calidad. E rapport ta asina bon, cu hasta partido MEP a bay di acuerdo cu e principionan. E rapport aki ta uno di hopi bon calidad segun Sr. Armand Hessels di Fundacion Gobernacion di Calidad.
Na Paisnan di Scandinavia, unda e pueblo ta sumamente feliz, unda nan tin un calidad di servicio di gobierno sumamente bon riba tur tereno, pasobra e pais ta wordo goberna a base di normanan di gobernacion. Pa sa kico ta caracteristicanan di mal gobernacion y su consecuencianan, por subi website www.bongobernashonaruba.org
Eynan ta haya un idea di e normanan di bon gobernacion, na ki manera gobierno mester actua pa duna ciudadano un idea di cu nan ta wordo bon goberna y husto, pero tambe ta wak caracteristicanan di mal gobernacion.
Tur gobierno, sin excepcion y sistematicamente a goberna a base di e caracteristicanan di mal gobernacion. Riba e website por lesa tambe e consecuencianan y na momento cu hende realisa, poco poco nan lo bira consciente di cu mester bin cambio. Fundacion Gobernacion di Calidad ta haciendo un trabao basta extenso, door di inventarisa cada rapport, cu Conseho Consultativo, Cotnrolaria General, IMF, Caft, cu den 30 aña riba tereno cu gobierno a haci hopi infraccion riba bon gobernacion, y aki ta papia di personal.
Actualmente nan ta terminando un rapport, tocante e administracion financiero, cu ta sumamente dañino con gobiernonan a maneha e parti aki.
Tambe riba e transparencia, Fundacion Bon Gobernacion a haci un investigacion con gobierno ta sconde informacionnan clave pa haya un bista real di e situacion y tambe un rapport riba funcionamento di Parlamento. Y ariba e punto aki, no tin mucho cos positivo pa bisa.