Director di estudio inicial di IPA, Sr. Berthson Boekhoudt a splica riba desaroyonan cu IPA lo bay conoce e aña aki pa e studiantenan.
Sr. Boekhoudt a splica tambe cu na IPA nan tin diferente estudionan, manera enseñansa pa kleuter y scol basico, tin tambe di movecion y salud, como tambe Hulandes den di 2 grado.
Tur e estudionan cu IPA ta ofrece ta estudionan ta e partinan di 4 aña y e 4 añanan aki, ta parti den 3 fase. E fasenan ta e prome aña ta propadeuse, den e aña akinan, e studiante ta bay orienta su mes den e studio cu el a scoge y tambe traha ariba su propio dominio den e materianan cu e tin pa cu e estudio. Un otro fase, ta di e profesion. Den e fase aki ta tuma luga den e di 2 y di 3 aña di estudio. Den e fase aki e studiante ta haya e oportunidad pa cera conoci y experiencia tur e aspectonan cu tin di haber cu e profesion di ta un maestro. E ultimo fase, ta den e di 4 aña cual ta e fase di finalisacion.
Sr. Boekhoudt a amplia mas ariba e di dos fase, den e di 2 y di 3 aña di estudio. Den e prome aña y mei e studiante ta focus hopi mas ariba tur e aspectonan di ser un maestro den e contexto di Aruba. Pero e ultimo mei aña di e fase aki, e studiante ta bay den exterior y cera conoci y experencia e parti aki tambe den exterior. Esaki ta un parti obligatorio. Ora un studiante cuminsa un opleiding na IPA, e ta na altura cu esaki lo yega na e di 3 aña di estudio.
IPA ta di pensamento cu ora cu e studiante tin tur aspecto di enseñansa den contexto local, ainda e horizonte di estudiante no a ser amplia. Y door di tin un bista riba kico ta sosode den otro pais, bo por relata esaki bek na e studiante, na loke bo conoce caba na Aruba. Pa mañan ora bo ta maestro, bo conocemento pa loke ta enseñansa lo ta mas amplio, segun Sr. Berthson Boekhoudt, director di estudio inicial di IPA.