Tur e muchanan y nan coach rescata for di cueba

0
RBC Juli 2018
Funmiles-2018

BANGKOK, Tailandia- Rescatistanan na Tailandia a logra saca tur e muchanan mas nan coach for di e cueba den e parti noord di Tailandia. E diesdos futbolsitanan y nan coach a keda pega den e cueba, despues di cu awaseronan torencial a yena e cueba parcialmente.

Den tres dia di tempo a logra saca tur hende for di e cueba. Diadomingo y dialuna a logra saca 8 mucha en total. Diamars a logra saca e otro nan tambe. E operativo di rescate a cuminsa pa mas o menos `1 or di marduga (ora local).

Den e operativo di rescate di diamars un total di 19 buzo a forma parti di esaki. No solamente e muchanan y nan coach a wordo rescata. Pero un dokter y tres miembro di e Unidad di Elite Militar di Tailandia tambe a sali. Nan tabata hunto cu e muchanan durante henter e proceso di rescate. E rescate di e prome tres muchanan for di e cueba a bay hopi lihe. E ultimo hobencito y e coach si a tarda un poco mas. “Nos sa cu e prome tres hobennan a haya tratamento den na e sitio mes, den un tent cu tabata fungi como hospital”, segun coresponsal Marike de Vries. “Nan situacion na principio no tabata stabiel pa por a wordo transporta”.

SIN INFECCION

Den e ultimo dos dianan tras di lomba, a logra saca 8 hoben caba for di e cueba. Nan estado di salud, bou di e circumstancian actual, ta bon. Nan no tin keintura y tampoco problema cu bista, despues di a keda dos siman den e cueba scur. Mas sigur e hobennan lo tin cu keda un siman den hospital. Si resulta cu nan no tin niun infeccion, nan mag haya bishita di nan famia. E team di futbol dos siman pasa a keda pega den e cueba despues di fuerte awasero, cu a yega e cueba parcialmente.

Den e operativo di rescate di diabierna, un buzo a perde su bida.

Fuente: NOS NL

 

Comments

comments

C: Heineken
new india