MIAMI, Merca- Horcan Florence ta uno “extremadamente peligroso”. E ta un horcan di categoria 4 cu ta menasa e dos Carolinanann y partinan extenso di e costa zuidoost di Merca cu olanan ciclonico y yobidanan torencial.
Si mester bisa cu den e ultimo horanan e sistema a debilita ligeramente, e Centro Nacional di Horcan (NHC) a informa.
Den su boletin di 12 :00 GMT di diaranson, NHC, cu sede na Miami, a adverti di cu Florence “ta dirigiendo su mes pa e costa zuidoost di Merca. Ta ser spera cu e lo causa olananan ciclonico y yobidanan cu lo pone e vida humano den partinan di North y South Carolina, como tambe estadonan di e Medio Atlantico, na peliger.
Florence ta bin cu bientonan maximo sosteni di 130 miya/h (215 km/h) y ta mantene su fortaleza, dimension y organizacion riba su ruta pa North y South Carolina.
E ta ubica na 530 miya (855km) zuidoost di Cape Fear, North Carolina y ta desplasa rapidamente den direccion west- noordwest cu’n velocidad di traslacion di 17 miya pa hora (28 km/h).
Tin previsto cu e sistema “lo fortalece ainda mas diaranson anochi”, pa e cuminsa debilita ligeramente diahuebs. Aunke cu e lo mantene su mes como horcan “extremadamente peligroso ora cu e yega costa Mericano” y su wowo subi tera algun caminda entre North y South Carolina.