Tur loke tin di haber cu’n diseño artistico por wordo traha na Aruba mes, cu plastic recicla. E posibilidadnan ta unlimited. Sra. Vidmara Geerman, di e Plastic Beach Party Foundation ta splica.
Tur loke ta wordo importa of ta wordo cumpra na Merca, por wordo traha na Aruba. E mold mester traha. E diseño por wordo traha hunto cu e artista y esey ta haci’e hopi mas interesante. E curso ta habri pa tur hende, e curso ta habri pa tur edad. E grupo a cambia, a a base di experticio. Tin boluntarionan cu ta cu e fundacion for di ora nan a cuminsa.
Aworaki e team mes ta chikito, cu ta personanan cu a studia na Hulanda, den area di naturalesa y salud. Pero no mester tin un estudio pa join e team tur hende por join e grupo. E fundacion lo acerca e hotelnan grandi, y ya caba tin otro negoshinan, tanto oficina y restaurant, cu acerca nan y e fundacion lo bay cerca nan, pa asina wak kico tur nan tin mester.
E fundacion ta cobra 15 florin pa kilo, pa nan recoge e plastic na cas y pa procesa esaki. Si e persona mes kier trece esaki pa wordo procesa, e ta bira 5 florin pa kilo. Si e persona mes kier trece y procesa e plastic, esey ta bira gratis. Tur diasabra, e fundacion ta open pa tur hende cu kier bin wak con e mashinnan ta funciona. E ta situa na Flemmingstraat 26, for di 12 pa 6 di atardi. Tur hende por djis walk in y haya informacion y guia. Den siman mester haci un afspraak.
E fundacion ta interesa den e proyecto di waste management, den kico nan por yuda cu nan experticio, te cu awo, segun Sra. Vidmara Geerman. E melt ta un poco toxico, y ta wordo haci den un luga cu ventilacion. E ta produci un aire menos toxico, cu ora cu e wordo kima na dump. E smeltmento ta wordo haci den un forno, y aire ta keda conteni, of den e mold di metal.
Pa loke ta Semana Santa ainda nan no sa si nan lo haci mescos cu den Carnaval, depende di e fondonan. Carnaval tabata pa crea conscientisacion. Esey tabata un di e metanan di e fondonan, crea conscientisacion den comunidad. Nan mester mustra con e fondonan a wordo distribui tambe, segun Sra. Vidmara Geerman, di Plastic Beach Party Foundation.