E resultadonan di examen 2017-2018 ta conoci. Dienst Inspectie van het Onderwijs ta e instancia cu ta certifica (waarmerk) diploma obteni y cu ta pertenece na e sistema di enseñansa legalmente reglamenta na Aruba.
Certificacion di un diploma ta nifica cu un instancia ta declara (of certifica) cu e contenido di e copia ta coresponde cu e diploma original y cu esaki ta pertenece na e sistema di enseñansa (legalmente) reglamenta di e pais.
Waarmerken Diploma
Loke bo mester tin/sa pa laga waarmerk bo diploma
- Dienst Inspectie van het Onderwijs ta waarmerk diploma/cijferlijst.
- Bo mes mester haci copia di bo diploma y copia di bo cijferlijst.
- Bo mester tin e originalnan cu bo pa e copianan por wordo gewaarmerkt.
- Dienst Inspectie van het Onderwijs ta waarmerk solamente diploma y cijferlijst oficial. Ningun certificado di curso ta wordo gewaarmerkt.
- E copia mester ta identico na e original (si e diploma ta om en om, e copia tambe mester ta om en om) pero den preto cu blanco (si e scol a stempel riba e copia bo mester haci copia di nobo paso e mester ta identico cu e original).
- Pa diplomanan internacional p.e. di USA, Canada, Costa Rica, Colombia, etc. Dienst Inspectie van het Onderwijs lo investiga si e estudio concerni tin acreditacion cu ta worde accepta na Aruba. Den caso cu e estudio no tin un acreditacion, lo mester acudi na un notaris.
- E cantidad di copia cu por wordo gewaarmerkt ta 3, pero si bo ta bay Hulanda lo por haci 4.
- EPI unit Economie mester tin tur 4 cijferlijst: original y copia.
- Horario: 8.00 –12.00 / 1.00 –4.00.