Dia 27 di April 2024 Aruba Triathlon Association lo organisa un biaha mas e di 62 edicion di e “Harry Janssen Memorial Boulevard Race”. E careda lo start pa 5:30 di atardi riba Malmokweg, bay direccion di ex-House of Cheng, bira na man drechi direccion Eagle Beach te rotonde di Guardian Group y aki bira na man drechi pa bay termina dilanti Aruba Ports Authority.
Aruba Triathlon Association kier a pidi tur usuario di e camindanan aki pa durante cu e careda aki ta tumando lugar, pone mas atencion den trafico pa asina evita cualkier incidente innecesario y tambe pa e seguridad di e coredornan y nos boluntarionan cu lo ta riba caminda.
Cuerpo policial lo ta na puntonan estrategico pa yuda dirigi trafico, pero e ta keda na cada un di nos pa ta un bon cuidadano y coopera cu nos atletanan cu lo ta activamente compitiendo den e famoso careda aki.
Di antemano Aruba Triathlon Association como organisador di e careda aki kier gradici tur usuarionan di e caminda cu nos lo ta bay ta ocupando pa e careda aki pa nan pasenshi y cooperacion.