E participacion na un evento grandi manera e Weganan Panamericano Junior ASU2025 cu lo tuma luga augustus benidero ta un proceso compleho. Banda di e atletanan cu ta den proceso di clasificacion, e parti adminstrativo y logistico mester wordo prepara, cual ta e tareanan prinicipal prome cu e weganan di un “Chef de Mission”. Den e caso aki, Juan Dake lo ta encarga cu e tarea aki, unda su experiencia como Chef de Mission anteriormente den varios ocasion lo sigur yuda den cumpli cu tur lo necesario pa un participacion positivo y placentero pa Aruba.
Recien Juan a bay na e cede di e weganan na Asuncion, Paraguay pa e reunionnan di Chef di Mission, unda cada pais ta manda nan representante(nan) pa asina cuminsa prepara, ademas di bishita tur e diferente centronan di competencia y e “athlete’s village”, unda tur atleta y delegacion lo hospeda durante e weganan. Pa mas informacion, por mira e video aki unda Juan ta elabora riba su bishita na Asuncion. #TEAMARU
