Sra. Julienne Heronimo a splcia mas over di e cuater edicion di e Christmas Edition di Cadushi Festival. E evento ta tuma luga dia 21 December.
E biaha aki e lo tuma luga na Baranca di Yerba, caminda cu bendedonan local lo trece nan productonan local. Lo bay tin arte, musica y loke ta bay ta extra e aña aki, ta cu lo bay tin workshopnan cu hendenan por haci di adelanta. E festival ta cuminsa di 4 or pa 11 or di anochi. Pero di 4 or pa 6 or ta bay tin workshops. Por registra di trempan ariba e website cadushifestival.com
Ta bay tin dos workshop pa mucha, cual ta gratis. E otro workshopnan ta 15 florin pero unabes cu paga bo ta drenta e workshop gratis,. E meta di e festival ta pa conscientisa hende pa biba mas saludabel. Tambe pa promove product local, cu na Aruba tin na cantidad. Tin hende creative. Hopi biaha nan ta uza productonan organico, materialnan reusable, for di naturalesa. E aña aki ta concentra ariba e NO usamento di plastic.
Tur e bendedonan di cuminda y bebida ta pidi pa nan no haci uzo di cups of plastic, y tampoco di foam. LO haci uzo di containernan biodegradable.4
Entrada ta costa 5 florin y ta bay ta na Baranca di Yerba, Rooi Koochi 58Z. Ta bay tin borchinan indicando con pa yega. Eigenlijk e festival ta full yen. E aña aki tin mas bendedo cu normalemnte. Tin hopi mas hende cu ta bay bin bende cuminda, tambe cuminda vegan option. Bebidanan saludabel. Tambe lo tin craft beer trahando na Aruba.
Loke ta wordo haci ta pa purba involucre bendedonan local. Bendedonan di arte, di make up, etc. Di tur cos un poco, segun Sra. Julienne Henriquez.