Conhuntamente cu Departamento di Cultura cu ta cumpliendo 40 aña di servicio cultural y Cas di Cultura cu ta cumpliendo 60 aña di Servicio Cultura. Sra. Vicky Arends, directora di Cas di Cultura ta amplia mas ariba e celebracion aki.
E aña aki ta celebra C100, cu ta e nomber pa e dos actividadnan. C ta para pa Cultura, Comunidad, Congreso, Concierto, pa cual a dicidi di formula dos evento di calidad halto pa e comunidad bin disfruta. Dia 12 di october lo tin e Congreso di Arte di Tarima (Congress of the Performing Arts). Lo tin 11 orador cu tin diferente storia y best practices di con arte y cultura por beneficia un comunidad. E por beneficia individuonan pa tin un actividad sano y positivo. Tin ehempel di nan mesun culturanan. Tin invitadonan di Alemania, Corsou, Bonaire y tambe invitadonan di Aruba, tur nan trabaonan. Sra. Arends tambe lo conta di e cifranan di arte y cultura na Aruba. Lo bay tin hopi informacion valioso cu kier comparti cu gremionan social, hendenan di maneho, di e partinan di cultura y educacion social, pa por habri e dialogo di e importancia di mas arte den nos comunidad, mas arte, mas cultura, mas miho, segun Sra. Arends.
Aworaki por wak cu ta papiando at least hopi caba di e industria creativo. Y kico tin berdad pa ofrece e hendenan cu cara nobo, e studiantenan cu aworaki ta haciendo arte, den exterior of cu a studia arte caba. Kico tin di ofrece nan? Sra. Arends a sigui bisa cu tin hopi chance y espacio pa nan yuda desaroya nos comunidad. eynan tin cu yega, na plannan pragmatico y practico, con pa haci uzo di nos profesionalnan di arte y cultura, pa yega na e parti di prevencion, cu ta valioso, prome cu e hobennan yega na unda cu no kier pa nan ta. Y con lo atende cu esaki, pa involucra e profesionalnan, caranan nobo pa nos futuro a largo plaso.
Dia 13 di october lo tin un concierto, unda a invita icononan local pa participa den un show full diferente, hinca den otro pa Johnny Croes, unda a reta nos artistanan local pa bisti un otro tipo di bachi, y ta bay ta un anochi hopi agradabel. Pa participa por yama na Cas di Cultura 582-1010 pa registra. Lo haya e informacion di pago, un special pa dos dia, pa 100 florin. Un dia apart ta 55 florin cada un, tanto e congreso y e concierto. Pero tin un special pa studiante-, educadornan, como tambe esunnan den gremio special, danki na UNOCA y Prins Bernhardfonds, cu lo bay haya dos dia e pakete di 55 florin. Dus un educador, studiante, artista, un hende di gremio social, dus hende involucra den e industria di creatividad, mercadeo, artista grafico tin un pakete di 55 florin. Full un dia di congreso, for di 9 or di mainta pa 4 or di atardi. Y e concierto pa 8 or di anochi, full diferente, sigui pa un brindis, pa traha ariba e networking.
E artistanan invita ta ansioso pa bin papia di nan storianan y e ta echt un momento valioso. Ta pone enfasis ariba docentenan, tur esunnan envolvi cu CKV, baile, drama, literatura, etc., pa bin presencia e dia aki.
Sra. Arends ta enfatisa pa no perde e chens di presencia algo cu a traha duro ariba dje, cu tin aporte di UNOCA, cu Prins Bernhardfonds, VNO, Subway, Health PErformance y Smit & Dorlas, cu a wak e potencial y calidad di e dos dianan. Di parti di Departamento di Cultura, ta extende e invitacion pa no perde e oportunidad y busca e entrada. Riba nan pagina di Facebook tin un link, of yama of pasa.