Tur hende mester paga BBO, y despues di e cambio di Ley, e desaroyo cu tabata tin despues no tin un desaroyo nobo pa e grupo di taxinan. E personanan cu ta bende loteria, como tambe e chauffeurnan di autobus, e grupo aki no ta den e ley di BBO, dus nan no ta exonera di e belasting, segun Sra. Meverly Romano, vocero di Departamento di Impuesto.
Sra. Romano a sigui bisa cu dado momento nan lo mester paga e belasting, ora cu nan tin servicio cu nan ta duna, cu e ganashi cu nan ta genera, nan lo mester BBO/BAZV ariba loke nan ta gana. Si ta asina cu ta haya cu e grupo aki ta grupo di comerciantenan cu ta mara na un prijs maximo pa nan servicio. Den esey Departamento di Impuesto no tin participacion, ya cu esey ta cay bou di e ministerio cu nant a cay bou di dje. Loke ta wak ta cu e grupo aki ta comerciantenan, cu no ta cay bou di e vrijstelling di e ley, y p’esey nan ta keda cu e obligacion di haci e declaracion di BBO y tambe haci e pago corespondiente. Dus, nan lo mester sigui paga e belasting manera cu nan tabata haci’e caba, aunke cu nan no ta cobra e cliente e BBO.
Esey ta un decision cu ta e comerciante ta dicidi, hunto cu gobierno, cu p.e. e personanan cu ta bende lotto, nan no mag di bende e lotto na un otro prijs. Esey ta un gasto cu nan mester carga y nan no ta na altura kico ta e areglo cu nan tin pa lotto pa deporte. Di parti di Departamento di Impuesto, loke nan ta wak ta e ganashi cu nan ta haya, dus e suma cu nan ta haya total den nan man, den nan caha, ariab esey nan mester conta e belasting, e tarifanan di belasting, BBO/BAZV. Nan ta haci e declaracion y e pago corespondiente. Asina e sistema ta aworaki. Basicamente e ta conta pa tur comerciante tambe. Sea e comerciante ta cobra of no e belasting, loke Departamento di Impuesto ta wak ta e suma cu el a haya den su caha.
Comerciantenan, den caso di bendedo di Lotto, cu ta grupo di comerciante cu berdaderamente no por fiha nan prijs manera cu nan a desea, ya cu nan no ta liber pa haci esey. Pero Departamento di Impuesto no ta wak esey, loke ta wak ta cu si nan ta cay bou di e grupo cu ta haya exoneracion di belasting. Den e caso aki nan no ta cay bou di e grupo cu ta haya exoneracion. Nan ta cay bou di e grupo cu tin cu paga BBO/BAZV. Siguientemente lo wak kico ta e suma cu nan a wak na omzet den un cierto luna. A base di e suma ey, e ora ta haci nan declaracion y ta haci e pago corespondiente. Sea cu a cobra of no, e BBO den nan prijs, den manera di bisa, Departamento di Impuesto no ta wak esey. Ta wak kico el a ricibi total den su caha. A base di esey, e comerciante lo mester declara y paga e belasting corespondiente. P’sey tambe despeus di e cambio di ley, despues di introduccion di BAVP e grupo aki lo mester haci e pago di BAVP, manera cu e tabata custuma caba di haci e pago di BBO.