Sr. Marlon Jacobs, Chef Infrastructuur & Verkeer di DOW ta splica con e con a bay e ultimo tres dianan aki pa cu e drechamento di camindanan.
E drechamento di caminda ta algo continuo, dia aden, dia afo. Tur dia nan ta ariba caya, indpendientemente di awa ta yobe of no. Nan ta revisa e camindanan pa ta sigur cu nan tin e trafico mas sigur cu ta posibel, evita di tin buraconan inecesario den caminda. Ora cu awa ta yobe, ta pone mas personal ariba caminda, pa nan tin un tiki mas atencion pa cu esakinan.
E camindanan cu a wordo drecha dor di awasero, specialmente camindanan ta asfalt, Sr. Jacobs a splica cu ta mayoria di e situacion ta depende, nan ta cuminsa cu patchmento prome y a base di un analisis ta haya un indicacion di con pa ‘tackle’ esaki na un otro manera, pa por drechanan mas miho.
Camindanan cu no tin acera, Sr. Jacobs a splica cu ponemento di acera ta un proyecto ariba su mes, pa evita cu camindanan, ta sigui kibra na e rand. Logicamente e atencion mester bin lo mas pronto posibel, prome cu e daño bira mas grandi cu solamente e rand di caminda kibra.
Sr. Jacobs a enfatiza cu DOW ta analisa tur caminda, un pa un, pa sigura ki sorto di mantencion lo mester haci na cada caminda. DOW ta aplica cierto metodonan di drechamento di caminda of nan ta haci un mantencion local, of lo mester extende ariba cierto camindanan. Esey ta varia di simplemente pone capa nobo of tin biaha, tapa scheurnan te ora cu e construccion completo di e caminda, of un parti, cu en principio ta trata di evita esaki mas cu ta posibel. Esaki ta costa mas si.
Ora di drecha caminda, no ta enfoca ariba cierto camindanan so. Pero ta traha ariba lista di prioridad, unda cu tin magnitud di trafico mas halto. Pero basicamente tur caminda di
Aruba ta haya atencion, pa por drecha e camindanan. Agun biaha nan ta haya nan ta sali na un area cu no ta contene caminda principal, pero tin biaha ta desvia, door di diferente meldingnan, e ora e trhaadonan ta sali for di nan ruta, pa tackle algo asina na cierto luganan.
Den pasado a duna hopi tereno sin tene cuenta cu e rooinan cu ta pasa, sin haci e midicion concreto, unda cu ora cu awa yobe, casnan cu a wordo construi hopi abao, ta yena cu awa. Pa esaki DOW ta haci un investigacion extenso, y expertonan di DOW ta studia e problemanan aki, di awa, unda cu ta desvia e awa cu ta yobe pa rooinan, pa evita cu e ta afecta cierto camindanan of e viviendanan residencial, segun Sr. Marlon Jacobs, Chef Infra & Verkeer di DOW.