Actualmente na Servicio Veterinario ta mata for di dialuna pa diahuebs. Ta cuminsa for di 7’or di mainta te cu trai merdia y zorg pa caba cu tur bestia pa dia, segun Sherwin Libier keurmeester na Servicio Veterinario. E hendenan cu tin gruponan grandi, manera nan sa caba, ta haci afspraak cu nan y ta cuminsa for di marduga.
E aña aki e ultimo fecha pa mata bestia ta dialuna, dia 19 di December. Te awor aki tur cos ta bayendo. Cosnan ta canando manera mester ta. No tin nada di keha, segun Libier.
E ta sigui splica cu tur hende ta cumpliendo. E bestianan ta biniendo manera mester ta. Di parti di criadonan nan ta tene nan mes na regla. Esnan cu tin cantidad grandi ta haci afspraak y ta bayendo bon.
Esnan cu bin cu un of dos, of mas, tambe ta wordo mata. Na Servicio Veterinario tin cu mata tur bestia eynan. Si tin un of 10, mester bay eynan toch.
Pa por mata un bestia, Libier a splica cu ley ta bisa cu manera cabrito, carne, baca y porco, mester wordo mata na Servicio Veterinario, esta Abbatoir. No mag di mata na cas. Esey ta ilegal.
Pa loke ta e procedura, en principio, tin cu keurnan na bida. Ta wak si e bestia ta meet e standardnan pa yega pa mate. For di eynan ta haci e keuring mes. Ora cu e besta ta full soya, ta haci e keuring mes, check su organonan y wak si e ta bon. Si e ta bon, e ta haya un stempel cual ta haci’e legal pa consumo di hende. Si e no tin stempel, e no ta ni sali mes. E ta wordo afgekeurd y djey pa dump.
Normalmente nan ta mata cabrito, esey ta e añanan anterior. Pero delaster dos añanan cabrito y carne a cay hopi. Awo ta mas tanto porco, cual a subi.
E criador mester trece bestia pa mata na Servicio Veterinario. No mag di mata bestia na cas.
Pa cabrito y carne, si e ta bao di 20 kilo, ta cobra 10 florin. Riba 20 kilo, ta 15. Porco pa mate ta cobra bao di 60 kilo, ta 15 florin y riba 60 kilo ta bira 25 cen pa cada kilo y pa Gobierno ta 25 cen pa cada kilo di bestia, Libier a splica.