Tur caminda rond di Aruba hendenan ta keha cu nan no por ni drumi cu un bentana chikito habri, pasobra cu nan tin miedo cu den cualkier momento un hende por drenta y horta nan cas. Pesey hopi di nos ciudadanonan ta opta pa sea pone alarma, of hasta opta pa keda cas pa nan no wordo horta. Si nos mira e relatonan diario di cuerpo policial, tin masha hopi ladronicia ta tumando luga for di punta pa punta di nos isla.
Un di e casonan a tuma luga den Nijhoffstraat pa un ladronicia. Na e adres indica, a papia cu e cabayero R., kende a declara cu desconocidonan a drenta su cas. Nan a kibra bentana di sala y a drenta e cas. Nan a bay cu varios articulo. Keho a wordo duna.
Personal di Departamento tecnico a wordo poni na altura via Central di Polis, pa sigui cu e investigacion na dicho adres.
- Latest
