Tur auto nobo cu ta menos cu 3 aña, no ta rekeri pa ley pa bin DTI. Nan mes ta tratando pa yega na un areglo, sea maneho of cambio di ley, cu en todo caso cu e auto ta bin DTI, ta wordo gekeur, pero tin cu bay wak con esaki lo ta. Esaki ta segun director di DTI, Dominico Werleman.
Kier hay’e mas bien pa tin’e registra. Una bes tin’e registra, por determina riba ki fecha e tres añanan aki ta caduca. Awor aki ta mar’e na e bouwjaar, pero porta e persona a cumpra e persona mey mey di aña of fin di aña. Si e bouwjaar a cuminsa conta na Januari, ki ora e tres añanan ta drenta na vigor. Si ta bon na prome instante e auto wordo registra na DTI. E parti bon tambe ta, cu ta wak fisicamente e detayenan ey riba e auto. Na modo di bisa cu por ehempel na Douane, ora di entrada, tin un fayo den anotacion di e vin nummer por ehempel, DTI por coregi esaki y e belasting tambe tin registracion corecto di e vehiculo. E parti ey ta wak con ta yega pa tin un registracion di tur vehiculo riba caminda. Na DTI esey no ta e caso awor aki.
E ta sigui splica cu tur hende cu a cumpra auto na 2014 of 2015, mester ta na DTI pa keur. E aña ta cuminsa core na momento cu cumpra e auto. E problema ta awor aki, ta e tres aña ta mara na e bouwjaar, pasobra DTI no sa ki fecha e auto a wordo cumpra. Esey ta crea un situacion fastioso pa bisa cu tal dia nan mester bin y no tin un manera pa sa ken nan ta pa por manda nan un recordatorio. Den curso di aña pasa a cuminsa cu un sistema cu e autonan cu keuring a caduca of prome cu esey, tabata manda nan dos luna delanta, un recordatorio y bisa cu tal fecha e keuring ta bay caduca, pa corda pasa DTI pa traha afspraak. Esey a resulta hopi bon y e afspraaknan tabata yena hopi mas. Esey ta bay cuminsa bek cun’e y manda recordatorio pa personanan ta al tanto cu nan keuring lo caduca.
Werleman a sigui splica cu DTI a ripara cu tin hopi auto cu tin aña no a bin deteni pa haci herkeuring. A base di esey a cuminsa manda recordatorio. Kisas e lista ey mester wordo manda pa e otro instancianan tambe, cu tin di haber cu e trafico riba caminda pa nan tambe ta na altura cu e vehiculo ta riba caminda, pero e no tin un keuring valido.