TOKIO, Hapon- E presidente di Merca, Donald Trump a bisa dialuna cu e matansa cu a tuma luga den un misa na Texas, caminda cu 26 persona a perde nan bida, ta debi na un “problema di salud mental” y cu no ta un “asunto di arma”.
Den un conferencia di prensa na Tokio riba su politica pa cu e tiroteonan tumando luga frecuentemente, Trump a afirma, cu segun reportenan preliminar, e atacanet tabata “un atacante tormenta, cu hopi problema”.
“Nos tin hopi problemanan di salud mental den nos pais, mescos cu otro paisnan. Pero esaki no ta un asunto di arma”, el a sigura. “Afortunadamente, un otro persona tabata tin un arma tambe cu a tira den direccion contrario”.
“Ta trata di un problema di salud mental na nivel mas halto”, el a comenta. “Ta un incidente, hopi, hopi tristo”.
Diadomingo un homber a drenta un misa na Sutherland Springs y cuminsa tira, unda cu al menos 26 persona a perde nan vida y a 20 otro a keda herida.
Trump ta na Hapon pa un gira di 12 dia na 12 pais Asiatico.
Fuente: http://lta.reuters.com