WASHINGTON D.C., Merca – Trump a wordo chercha despues di su remarkenan loco riba e atentado na Suecia, pero toch parce cu e tabata tin rason al fin y al cabo. Luna pasa tres neonazi a comete un atentado riba un centro di refugiado na Goteborg. Eynan un persona a wordo gravemente herida.
Segun e servicio di siguridad Sueco tabata tin tres sospechoso, ex miembronan di e Movimiento di Resistencia Nordico (NMR), e movimiento di mas grandi racista y antisemitico di Suecia. NMR a wordo funda na 1997 pa e ex miembronan di e White Aryan Resistance y tabata opone fervientemente contra e opvang di refugiadonan.
No solamente e remarca di Trump riba e atentado a causa hopi alboroto na Suecia, tambe e documentario caminda el apunta riba esaki, a sacudi e pais aki. E fundador, Ami Horowitz, a yama Suecia “e capital Europeo pa violacion” y a indica cu desde e venida di e refugiadonan remarcablemente ta tumando luga mas violacion na Europa. Autoridadnan Sueco ta nenga esakinan.
Fuente: Wel.nl