WASHINGTON, D.C., Merca- Donald Trump diamars tabata kier a pone un fin na e episodio di e asesinato di e periodissta Saudi Jamal Khashoggi, residente na Merca y columnista di The Washington Post, bisando cu e circumstancianan cu a rondona e asesinato aki “kisas nunca nos lo haya sa”. Presidente Mericano a defende e prioridad strategico den un comunicado, tanto den politica exterior como den economia domestico, cu e ta otorga e relacion cu su “gran aliado” Arabia Saudita. Declarando su lealtad inkebrantabel na e prins heredeo, Mohamed bin Salmán, cu a nenga “vigorosamente cualkier conocemento di e plan pa ehecuta e periodista”, e presidente a confirma cu e ta duna mas credibilidad na e version di e homber fuerte di Arabia Saudita cu e informacionnan di su mesun servicio di inteligencia cu ta pone e prins heredero tras di e plan cu e descuartisamento, di e periodista critico di e regimen,
E comunicado di Trump ta bin despues di cu e Republicano a bisa cu e diamars lo e mester a ricibi un informe completo, elabora pa su gobierno, riba e asesinato di Khashoggi dia 2 di october ultimo.
Siguientemente, Trump a splica cu Riad a compromete su mes na inverti 450 biyon dollar na Merca, 110 biyon di esey den compra di arma. “Esaki ta un cantidad record di placa”, el a splica. “Si nos cancela e contract aki, Rusia y China lo sali beneficia”, el a adverti.