WASHINGTON, D.C., Merca- E decreto ta prohibi tur transaccion, areglo di pago y otro operacionnan relaciona similar cu ciudadanonan Mericano na Merca.
Dialuna Trump a firma un orden ehecutivo cu ta prohibi tur transaccion cu Petro, e criptomoneda lansa pa Nicolas Maduro na Venezuela. E mandatario a sigura cu e decreto ta trata di un paso adicional relaciona cu e “accionnan tuma ultimo pa e regimen di Maduro, pa evita sancionnan Mericano”.
“E Ordo Ehecutivo ta prohibi, desde su fecha di vigencia, tur transaccion financiero, relaciona cu e criptomoneda, pa un persona di Merca, paden of pafo di e pais. Esaki ta cu forsa retroactivo for di 9 Januari 2018”, segun e orden anuncia pa Cas Blanco.
Cu e respaldo di reserva di crudo, e presidente Venezolano, Nicolas Maduro, a lansa e criptomoneda luna pasa pa amplia e capital di e pais, cu ta hogando den un crisis y pa desvia di sancionnan financiero impone door di Merca.
Criptomoneda ta medionann di pago virtual, cual caso mas conoci ta e bitcoin. E ta permiti un intercambio di gobierno y banco, caminda cu tur participantenan ta keda anonimo.
Fuente: http://www.dw.com