NEW YORK, Merca- Presidente di Merca, Donald Trump, a toca varios tema di actualidad internacional durante su intervencion den e Asamblea General di Nacionnan Uni. Desde e situacion den e peninsula Coreano te na e comercio mundial, pero un parti prominente di su discurso a bay na acusa e lidernan di Iran di “sembra caos, morto y destruccion” y di “no respeta su bisiña ni su frontera”. Particularmente, Trump a acusa e “dictadura corupto di Iran” di incita y financia” e crisis humanitario na Siria.
“E lidernan di Iran ta caba cu e recursonan di e nacion pa enrikece nan mes y propaga e caos na Medio Oriente y mas aleu”, Trump a bisa, pa agrega cu su decision di retira Merca for di e acuerdo nuclear Irani y bolbe impone sancionnan contra di Iran a ricibi aprobacion di hopi pais rond di dje.
Pa e motibo aki, Trump a pidi “tur e nacionnan pa aisla e regimen di Iran mientras cu e agresion ta continua” y a solicita “tur nacion apoya e pueblo Irani mientras e ta lucha pa su destino religioso y husto”.