WASHINGTON, Merca – E presidente electo di Merca, Donald Trump, a insisti diamars na Gobierno pa cancela e compra di un avion Air Force One di Boeing, bisando cu e ta “ridiculo” y hopi costoso.
“Boeing ta construyendo un Air Force One 747 pa futuro presidentenan, pero e costonan ta for di control, mas di 4000 miyon di dollar. Cancela e pedido!, Trump a bisa den un mensahe publica riba Twitter.
Despues, papiando brevemento cu periodistanan na New York, e empresario a señala cu “e avion ta totalmente for di control. Mi ta kere cu e ta ridiculo.”
Boeing no a responde inmediatamente na e declaracionnan.
Forsa Aereo a anuncia na Januari 2015 cu lo cuminsa traha riba un Boeing 747-8 pa reemplasa dos avion di Air Force One actualmente emplea pa transporta e presidente di Merca. Air Force One ta un di e simbolonan mas visibel di Merca.
E detayenan riba e valor total di e contracto nobo ainda no ta conoci, pero Forsa Aereo a bisa cu a destina 1650 miyon di dollar pa dos avion di reemplaso.
Forsa Aereo di Merca a otorga Boeing Co. un contracto inicial balora na 25.8 miyon di dollar na Januari. E presidentenan di Merca a uza avionnan di Boeing pa bula desde 1943, segun e website di e compania.
E avionnan 747-8, cu 73 meter di largo y un enbergadura di hala di 68 meter por bula directamente di Washington pa Hong Kong, 1000 miyona mas cu e actual Air Force One.
Fuente: Reuters