WASHINGTON D.C., Merca – Ex manager di campaña di Donald Trump, Corey Lewandoski, ainda ta wordo paga pa Trump, aunke cu actualmente e ta comentarista politico pa CNN. Esaki ta segun Washington Post diaranson. E website di noticia Mediaite, a meld, a base di fuerntenan na CNN cu Lewandowski a wordo suspendi, pero un vocero a indica cu e media ta desmenti esey y a bisa cu despues diaranson el a bay bek den transmision.
Na Juni el a drenta den servicio di CNN. Ta conoci cu el a tuma su retiro for di e team di campaña di Trump, algo cu riba cada paso cu Lewandowski tabata wordo enfatisa na CNN. Pero e compania di Lewandoski, Greem Monster Consulting, a ricibi na Juli y Augustus, ainda 20 mil dollar pa “consehonan strategico”.
Segun fuentenan, hopi periodista ta rabia, entre otro pasobra Lewandowski ainda tin contacto cu e campaña di Trump.
Fuente:De Telegraaf