NEW YORK CITY, New York – E presidente electo di Merca, Donald Trump, ta negoshando un acuerdo cu autoridadnan di New York pa paga un multa miyonario y cera e caso di fraude contra su universidad, segun canal CNBC awe.
E negociacion cu e oficina di fiscal general di New York, Eric Schneiderman, ta casi pa cera y Trump lo paga entre “20 y 25 miyon di dollar” pa nan retira e cargonan, segun fuentenan anonimo cita pa e canal aki, segun EFE News.
Un vocero di e fiscla a sigura na CNBC cu Schneiderman semper tabata habri pa cera e caso negoshando un acuerdo cu “ta compensa di manera husto e victimanan di Universidad Trump cu ta hiba añanan largo wardando un resolucion.”
Segun e investigacion di fiscalia, e centro universitario cu e magnate Neoyorquino a habri na 2005 y a cera cinco aña despues, nunca tabata tin un vergunning pa opera y a defrauda cu su oferta educativo na mas di 5000 consumidor pa miyones di dollar.
E centro tabata ofrece curso riba negoshinan inmobiliario (real estate) y finansas cu credits te cu 35 mil dollar y tabata obheto di otro demandanan na California, cu tambe ta afirma cu e promocionnan tabata yena di promesanan bashi.
Durante e ultimo campaña electoral, e caso a wordo uza den varios ocasion pa e candidato democrata, Hillary Clinton, pa ataca Trump, kende a caba den impone den e eleccionnan presidencial celebra dia 8 di November ultimo.
E magnate a defende su mes semper di e criticanan sigurando cu Universidad Trump tabata tin un “porcentahe di aprobacion” di parti di su alumnonan di 98% y por a yega na un acuerdo pa cera e caso, pero cu e no a haci esaki “pa motibo di principio.”
Fuente: El Universal