WASHINGTON D.C., Merca – Donald Trump lo cancela e acuerdo cu Cuba si en caso cu Gobierno na Havana no “laga e Cubanonan disfruta mas di e deal.” Esey ta loke e presidente electo di Merca a laga sa den un Tweet dialuna.
Si Cuba no ta dispuesto pa laga su pueblo, pero tambe e Cubano Americanonan y Merca como pais, disfruta di e deal, e ora Trump lo cancela e acuerdo.
E normalisacion di e relacionnan entre Merca y Cuba a wordo poni den marcha door di e presidente actual, Barack Obama. Durante e entiero di Nelson Mandela na 2013, Obama y Raul Castro a “shake hand”, den loke ta e comienso di un relacion nobo.
Entre otro e embargo comercial Mericano a wordo suavisa, mientras tanto e embahadanan di ambos pais a wordo habri, inversionnan Mericano ta posibel bek y hasta den e dianan aki tin e prome vuelonan entre Miami na Florida y Havana.
Fuente: ANP