WASHINGTON (AP) — President Mericano, Donald Trump, diahuebs a menasa di cera e frontera cu Mexico, si e pais aki no stop di e caravana di migrantenan cu ta huy di pobresa y violencia den e paisnan Centroamericano. Si Mexico no para e caravana, Merca lo haci uzo di e forsanan arma pa “CERA NOS FRONTERA ZUID”, Trump a tweet.
El a agrega cu “Mexico mester para e invasion aki” y a parce di a menasa e acuerdo nobo comercial cu Canada y Mexico.
Trump no a duna detayes di su menasa di uza e forsanan arma. Algun luna atras Trump a duna ordo di manda militarnan pa e frontera pa mision limita cu no tabata inclui contacto cu migrantenan.
Mas di 2 mil Hondureño ta den e caravana rumbo pa Merca.
Gobierno Mexicano a bisa cu e migrantenan cu nan tin nan papel na ordo por drenta y esunnan cu no tin’e, lo mester haci peticion pa status di refugiado of nan lo wordo deporta.