WASHINGTON, D.C., Merca- E discusion cu e president Mericano, Donald Trump, tabata tin cu e reportero di CNN, Jim Acosta, a deriva den un discusion absurdo riba si un hoben empleado femenino di White House a wordo mishi indebidamente durante e conferencia di prensa despues di e eleccionnan midterm.
Durante e incidente, e mandatario a critica e periodista como un “persona grosero y teribel”, despues di cu esaki a nenga di debolbe e mike na e mucha muhe encarga di coordina e conferencia di prensa. Poco despues, White House a dicidi na revoca e credencial periodistico na e periodista, hustificando esaki no pa su “comportacion inapropia”, pero di a “mishi” cu e mucha muhe cu tabata purbando di haci su trabao como becario di White House. Acosta a responde na e acusacionann aki calificandonan di “mentira”.
Slowed down the @Acosta encounter to show the FOUR times the White House staffer touched HIM… not the other way around. Unclear if she's been suspended. pic.twitter.com/gBhlR2r5P1
— Sarah Burris 🇺🇦 (@SarahBurris) November 8, 2018
Algun observador a reacciona afirma cu en realidad tabata e empleado cu a mishi cu Acosta na varios ocasion. Un periodista incluso a publica un video den slow motion mustrando e contacto fisico breve entre e dos personanan.
Algun periodista tambe a purba di defende Acosta, bisando cu e secretaria di prensa, Sarah Sanders, “di retroce loke realmente a tuma luga”. E asistente di White House ta purba na un manera agresivo di kita e mike for di Acosta y esaki nunca a mishi cu e dama. “E berdad ainda tin importancia”, e periodista Michael barbaro a scirbi.
“Acosta, cu, segun White House ta bisa, ‘a mishi cu e becario, a bisa “despensami, señora, mientras e tabata purbando di haci su pregunta”, e periodista di The New York Times, Maggie Haberman a skirbi na defensa di su colega di CNN.
Un hoben empleado cu en realidad solamente tabata purbando di haci su trabao lo por resulta den e unico y berdadero victima di e wega politico absurdo, den cual, ta parce cu loke e video ta mustra, no ta importa mucho mas. Ta posibel cu e becario tin cu responde preguntanan si e ta sinti cu nan a mishi cun’e di manera inapropia.