WASHINGTON D.C., Merca – Presidente di Merca, Donald Trump, a publica diaranson anochi un potret di e Oval Office, cu Liliana Tintori, casa di e lider opositor Venezolano, Leopoldo Lopez, hunto cu e vicepresidente Mike Pence y e senador Marco Rubio, pidiendo liberacion di e politico encarcela.
“Venezuela mester permiti pa Leopoldo Lopez, un preso politico y casa di @lilianatintori (mi a caba di conoce cu @marcorubio), sali for di prizon inmediatamente,” Trump a tweet.
Na September di 2015, Leopoldo Lopez a wordo haya culpabel di e delitonan di e instigacion publico, asociacion pa delinqui y determinado den daño y incendio den relacion na e hechonan di violencia cu a desata tras un manifestacion opositor na februari di 2014, cu a laga atras un saldo di 43 morto. Lopez a wordo condena na 13 aña, nuebe luna y shete dia di prizon.
Un di e fiscalnan cu a acus’e, Franklin Nieves, a pidi corte di apelacion anula e huicio contra Lopez na reitera cu e Gobierno no a presiona pa sigui cu e huicio y conden’e. Nieve a sali for di Venezuela pa denuncia e violacion aki di e derecho di husticia.
Fuente: CNN en Español