WASHINGTON D.C., Merca – E presidente Mericano, Donald Trump, a acusa diasabra su antecesor, Barack Obama, di interveni den su telefon durante e campaña electoral di aña pasa, sin proporciona prueba di e acusacion aki.
“Mi ta bet cu un bon abogado por hiba un gran caso pa e hecho cu e presidente Obama a interveni den mi telefonnan na October, net prome cu e eleccion!”, Trump a skirbi riba Twitter.
“Ki baho e presidente Obama a cay pa tap mi telefonnan durante e proceso sacrago electoral. Esaki ta Nixon/Watergate. Mal tipo (of enfermo)!,” el a señala den un otro wteet.
E tweetnan di Trump a wordo publica poco despues di manece, dilanti un avalancha di revelacion riba e contactonan entre e funcionarionan Ruso y su colaboradornan mas cercano, entre nan e secretario di Husticia, Jeff Sessions.
E mandatario a nenga reiteradamente cu e tin vinculonan personal cu Kremlin y su asesornan a nenga of minimalisa e contactonan aki.
Pero e acusacionnan a sigui cu filtracionnan casi diario den prensa, cu ta revela detayenan nobo di e lasonan entre Moscu y colaboradornan influyente di Trump.
Un di e revelacionnan, realisa e siman aki pa e corant The Washington Post, ta concerni un reunion entre Sessions y e embahador Ruso na Merca, Seguei Kisliak, loke a obliga e exsenador Republicano na inhibi di participa den cualkier investigacion riba e supuesto vinculonan entre e campaña di Trump y Rusia.
Sessios a bisa bao di huramento dilanti un comision di e Senado cu no a mantene “contacto cu e Rusonan”, pero periodistanan a descubri cu si nan a reuni dos biaha cu e embahador Ruso den e lunanan prome na asumi su cargo dilanti di e Departamento di Husticia.
Trump a expresa su disgusto pa e acusacion y e filtracionan cu a propicia- y a dirigi tweetnan contra e senador Chuck Schumer y e representante Nancy Pelosi, lidernan di e bancada Democratico di e congreso di mayoria Republicano, cu a reclama e renuncia di Sessions.
E magnate converti den presidente, kende ta acusa su deetractornan di impulsa un “witchhunt”, a punta dede diasabra riba su antecesor democrata.
“Teribel! Mi a caba di haya sa cu Obama a tap den mi liñanan den Trump Tower, net prome cu e victoria,” el a skirbi. “Esaki ta McCartismo”, el a agrega despues di a sali for di Washington pa su propiedad Mar-a-Lago na Florida.
Desde cu inteligencia Mericano a divula un informe camidna cu ta acusa Rusia di opera pa influi den e campaña electoral mericano na fabor di Trump, a multiplica e interogantenan riba si tabata tin un colusion entre su ekipo di campaña y Moscu.
Awo el a trascende cu varios di su alegadonan,a demas di Sessions y e asesor retira di Siguridad Nacional, Michael Flynn, a reuni cu Kisliak, prome cu Trupm a asumi su cargo den Gobierno.
Fuente: El Espectador
- Latest
