MIAMI- Presidente Donald Trump a probecha su discurso dilanti di e comunidad Venezolano na Miami, pa haci un peticion directo na e gobernante Nicolas Maduro.
“Awe mi ta pidi cada miembro di e regimen di Maduro pa caba cu e nachtmerrie aki di pobresa, hamber y morto pa su hendenan”, e presidente a bisa den un discurso unda cu el a insisti cu aunke cu su gobierno ta busca un “transicion pacifico di e poder, tur opcion ta riba mesa”.
“Nos kier restaura e democracia na Venezuela y nos ta kere cu e ehercito tin un rol vital den e proceso aki”, el a agrega dilanti un cantidad grandi di representantenan di e comunidad Venezolano na Florida, congresista y gobernador di e estado, Ron DeSantis, entre otro.
Den su discurso, Trump a bisa cu hendenan na Cuba, Nicaragua y Venezuela ta sperando democracia y un biaha mas ta reconoce Juan Guaido como e lider legitimo di Venezuela, mientras cu el a acusa Maduro di ta un “marioneta di Cuba”.