WASHINGTON D.C., Merca – E presidente di Merca, Donald Trump, a defende diamars e acusacion di comaprti informacion secreto na Rusia, alegando cu e tin e “derecho absoluto” na comparti e datonan aki reserva di inteligencia.
“Como presidente mi tabata kier a comperti cu Rusia (den un evento abierto di Cas Blanco), como ta mi derecho absoluto, hechonan riba terorismo y siguridad aeronautica,” Trump a expresa den un serie di tweets.
Ademas el a expresa cu e tabata kier pa “Rusia aumenta di forma importante su participacion den e lucha contra EI y terorismo.”
Desde e atardi di dialuna, e presidente ta den e centro di un escandalo pa denuncia di a comparti cu funcionarionan Ruso informacion di inteligencia cu tabata considera den un grado maximo di reserva.
Siman pasa, Trump a ricibi den e Salon Oval e canciyer Ruso, Sergei Lavrov y di acuerdo cu denuncianan di corantnan manera Washington Post y The New York Times, mescos cu e red CNN, den e conversacion Trump a menciona cu EI tabata tin planea atakenan na Merca uzando laptop riba vuelonan.
Segun fuentenan halto di Gobierno, e informacio aki a wordo ofreci na Merca pa un aliado cu e condicion di no transmiti na ningun hende, sikiera na e otro paisnan aliado, pa no expone e fuente di e dato.
Asina, e mensahe di Trump riba Twitter diamars parce di ta confirma cu e presidente efectivamente a haci mencion na e menasanan den su dialogo cu Lavrov pero ta considera cu el a haci lo corecto.
E denuncia explosivo aki a sosode mey mey di e teremoto politico genera un siman pasa door di e retiro di e director di FBI, James Comey, kende tabata investiga precisamente e contactonan entre Rusia y e comite di campaña di Trump den e eleccionnan di aña pasa.
Fuente: http://www.elespectador.com