CANBERRA, Australia – Funcionarionan halto di gobierno Australiano ta ofrece nan yudansa na Washington “na identifica su obhetivonan na Iran”.
Merca lo por ta “preparando” un atake na e instalacionnan nuclear di Iran, posiblemente otro luna mes, segun alto funcionarionan di gobierno di Australia, e canal ABC a informa diabierna.
E fuentenan Australiano a comunica cu Canberra, mescos cu London, posiblemente yuda Washington na “identifica e obhetivonan na Iran” den caso di atake. Sin embargo, nan a precisa cu tin un “diferencia significativo” entre “participa directamente” den un accion militar y “duna ayudo den Inteligencia” pa identifica instalacionnan Irani.
Sin embargo, e prome minister Australiano, Malcolm Turnbull, a anuncia cu e no “tin motibo” pa kere cu Trump lo ta planeando un atake contra Teheran.
E declaracionnan di gobierno Australiano ta bin mei mei di un tension creciente entre Iran y Merca den e ultimo temponan. Dialuna ultimo, presidente di Merca, Donald Trump, a adverti su homologo Irani, Hasan Rohani, cu “nunca hamas” e lo menasa un pais si e no kier “sufri e consecuencianan”. E expresionnan fuerte di Trump ta bin despues di cu e presidente Irani a anuncia cu’n conflicto Belico cu Iran “lo ta e guerra di tur gueranan”.