Presidente Mericano Donald Trump lo kier economisa pisa ariba e presupeustonan di Ministerio di Relacionnan Exterior y tambe ariba e Agencia di Cooperacion pa Desaroyo. Tur esaki tpa asina e por hisa e presupuesto di e Ministerio di Defensa.
Tanto e Ministerio di Relacionnan Exterior como e Agencia di Cooperacion lo mester entrega 37 % di nan presupuesto.
Dialunda Trump a anuncia di lo kier hisa e presupuesto di Defensa cu 10%. Esaki ta nifica un monto di mas o menos 54 biyon dollar. E aumento lo mester wordo costea door di corta den presupuesto di otro ministerionan y parcialmente door di e crecemento economico cu su politica lo mester trece. Esaki segun President Donald Trump.
Riba e propuesta aki, tanto Democratanan como e Republicanonan a reacciona cu hopi indignacion. E Presidente di e mayoria Republicano den Senado, Mitch McConnell anteriormente a declara na periodistanan cu e cortenan lo no wordo aproba den Senado.
Awe nochi President Trump lo tene su prome discurso den Congreso na Washington D.C. Segun medionan di comunicacion Mericano, ambos partido tin hopi pregunta pa e president tocante ponemento den practica di su politica.