WASHINGTON, D.C, Merca- E presidente Mericano, Donald Trump a sigura cu e lo firma un decreto cu lo elimina unilateralmente manera cu e ta posibel e ciudadania pa nacimento den e pais. E magnate a anticipa den un entrevista cu ‘Axios in HBO’, cu e lo firma un decreto presidencial cu lo elimina e derecho di ciudadano na yiunan di inmigrante ilegal.
“Nos ta e unico pais na mundo unda un persona por bin y haya un yiu, y cu e baby ta practicamente un ciudadano Mericano, cu tur su beneficionan. E ta ridiculo”, Trump a argumenta.
E politico Republicano a retrasa e iniciativa pa consulta den caso cu ta necesario un enmienda constitucional y awo lo opta pa un decreto den cual e no a delanta e fecha di e firma. Algun politico conservador ya a reforsa e intencion na defende cu e di 14th Ammendment di e Constitucion a interpreta na un manera fout durante decada.
Sin embargo, algun asociacion di inmigrante no ta kere cu e medida por wordo aplica y varios experto huridico a señala cu e proceso lo por termina den e Tribunal Supremo ya cu ta cuestiona e hecho cu e presidente por dispone door di cargo di e poder necesario pa ehecuta e decision di retira e ciudadania na muchanan naci na Merca cu’n decreto presidencial.