WASHINGTON D.C., Merca – E presidente di Merca, Donald Trump, a anuncia diabierna e “cancelacion” di e politica di Barack Obama pa Cuba y a mustra di ta dispuesto na negosha “un miho acuerdo” cu e isla, pero solamente si tin avancenan “concreto” pa e celebracion di “eleccionnan liber” y e liberacion di “prisioneronan politico.”
“Ora cu e Cubanonan dal pasonan concreto, nos lo ta cla, prepara y capas di bolbe mesa pa negosha e acuerdo aki, cual lo ta miho miho,” Trump a bisa den un discurso na Miami.
Adicionalmente, el a señala cu ta “importante” pa tin libertad tanto na Cuba como na Venezuela.
Den sudiscurso pa anuncia e politico nobo di Merca pa cu Cuba, Trump a sigura cu Cuba ta sufri desde “varios decada” e regimen di e Castronan, pero cu esey no mester ripiti na Venezuela.
Pa tal motibo e mandatario a solicita na Havana “libera e prezonan politico” y a priminti un miho acuerdo pa ambos pais.
E cambio di politica pa Cuba anuncia pa Trump, ta inclui su apoyo na e embargo comercial y financiero Mericano pa e isla y e oposicion na peticionnan internacional pa Congreso lanta esaki, Cas Blanco a informa.
“E politica ta reafirma e embargo Mericano imponi pa ley na Cuba y ta opone na e yamadonan di Nacionnan Uni y otro foronan internacional pa caba cun’e,” Cas Blanco a indica den un comunicado, mientras Trump a anuncia e cambio di politica den e teatro di Pequeña Havana na Miami.
Fuente: http://www.elcolombiano.com