Internacional: Presidente di Merca Donald Tromp a despedi di dos testigo clave di e Huicio Politico cu tabata tin den su contra unda el a sali gana siman tras di lomba, tanto e oficial Alex Vindman e principal experto di Ucrania y Conseho di Seguridad Nacional y e embahador di Estado Unido na Union Europeo Gordon Sondland.
E asesor di Trump a informa cu a despedi di e dos principal testigo den e huicio politico nan tabata tin e intencion di manda mensahe cu no tabata tolera opone e presidente.
Vindman a keda expulsa di su cargo diabierna lunanan prome di loke e tabata spera segun su abogado. Vindman tabata di bay na Juli, pero e tabata bisa su coleganan ultimo simannan cu probablemente e ta bay prome.
Sondland a bisa den un comunicado diabierna cu nan lo ta retirando e di su puesto. E lazonan di Sondland y Cas Blanco y Trump a deteriora desde su testimonio.