WASHINGTON, D.C., Merca- E presidente Mericano, Donald Trump, a participa den e huramentacion di Gina Haspel como e director nobo di Central Intelligence Office (CIA). El a elogia Haspel grandemente, bisando cu despues di 33 aña por “respira” e balornan di un institucion, cu nunca tabata tin un hende muhe na cabes.
Cu e ceremonia di huramentacion di Haspel, Trump ta mustra di a supera e reto di nominacion di Haspel, como directora di e agencia debi na e vinculonan di tortura pa parti di e agencia. Henter su bida profesional Haspel a dedica na CIA.
E mandatario no a desvia di e polemica riba e pasado di e director nobo di CIA, ora cu el a subraya cu durante tres aña despues di e atentadonan di 11 di september 2011, Haspel tabata tin un “cazeria di teroristanan sin descansa”.
Entre e prioridadnan di Haspel ta e necesidad di reforsa e servicionan linguistico di CIA y aumenta e presencia di agentenan den teritorio extranhero. Esaki ta necesario pa combati terorismo global, segun EFE a reseña.