Internacional: Por a tuma nota cu den medianan internacional ta saliendo cu Presidente di Merca Donald Trump a bisa cu e negociacion pa caba cu e guera na Ucrania lo cuminsa mesora despues di a tene un yamada cu presidente di Rusia Vladimir Putin diaranson mainta.
E yamada, e prome combersacion conoci entre e dos presidentenan desde cu Trump a tuma oficial luna pasa, a bini un dia despues cu Rusia a laga un mericano encarcela den e pais den libertad.
Oficialnan di e administracion di Trump a bisa cu nan ta spera cu e intercambio por anuncia esfuersonan renoba pa caba cu e conflicto na Ucrania, cu ta bay drenta su di cuater aña.
“Nos a bay di acuerdo pa traha hunto, hopi di cerca, incluyendo bishita e nacionnan di otro. “Nos a bay di acuerdo tambe cu nos respectivo teamnan lo cuminsa negociacion mesora, y nos lo cuminsa dor di yama presidente Zelensky di Ucrania pa informe tocante e combersacion, loke mi lo haci mesora,” Trump a skirbi.
Su predesesor, presidente Joe Biden, no a papia cu su homologo ruso den casi tres aña. E ultimo presidente Mericano cu a bishita Rusia tabata Barack Obama na 2013, ora el a asisti na un cumbre di G20.
