Diaranson mainta den Tangerinestraat unidad di bombero cu urgencia a keda despacha unda lo tin un truck na candela. Na yegada di Polis y brandweer a constata cu ta un truck septico su cabina dilanti ta completamente na candela. E chauffeur a comenta el a baha for di e truck pa bay den su cas y sali pafo haya e tur na candela. E vlam tabata asina grandi cu a afecta wayanan di coriente y a notifica tanto Elmar y Setar pa presente. Elmar a hayanan ta kita coriente debi cu wayanan di coriente di dos cas a smelt y pa evita cualkier caso a kita esaki y pa pone cabelnan nobo bek. Bombero a sa di domina e candela por completo.