ALEMANIA – Polis Aleman a intercepta riba e anochi di diabierna pa diasabra riba A12, cerca di e frontera cu Polonia, un truck di carga cu 51 persona den e espacio di carga. Entre e personanan tabata tin 17 mucha.
Esaki ta segun un vocero di polis federal a laga sa diasabra. Si ta trata di refugiadonan y di cual nacionalidad, ainda no ta cla.
Polis a obliga e chauffeur di 46 aña, di e truck di carga, riba e anochi di diabierna pa diasabra, banda di 2’or di marduga, pa para riba e caretera entre Müllrose y Berlin, caminda cu a topa e personanan aki. E chauffeur Turco ta cera temporalmente riba sospecho di trafico di hende.
Segun un vocero, e personanan a ricibi aloho den un tent di polis na Frankfurt an der Oder. Te asina leu, ningun hende ta herida.
Con largo e truck tabata riba caminda, ainda no ta duidelijk. Debi na e cercania di e frontera Polaco, segun e vocero, e vehiculo lo tabata bin for di Polonia cu destino Alemania.
Fuente: www.nu.nl