Dialuna prome cu 2’or atardi na e deposito Crown situa na Sabana Blanco Dakota a surgi un incidente serio unda un truck a dal un truck benta abou y e homber a keda bou e truck parti dilanti. A despacha brandweernan, ambulance y polisnan cu urgencia p’e sitio.
Bomberonan di biaha a mira e situacion ya cu e homber ta drumi riba e cura di hero y e truck ta riba su curpa pero cu e por move, e homber a scapa milagrosamente di no a keda primi pa e truck.
Cu ekiponan di bombero a logra di stabilisa e truck y asina a saca e homber herida bou e truck pa paramediconan por atende cune di biaha stabilise y transporte pa hospital pa atencion medico avansa.
Polis a keda n’e sitio pa investiga kico a sosode.