Diamars atardi un truck lo mester a basha basta azeta di hydraulic riba caminda den Vondellaan banda di Cas di Cultura sigui bay te ful dilanti Cas di Cultura. Ora e chauffeur di truck a ripara e la core baha caminda pa evita mas azeta basha riba caminda. Trahadornan di Bohama cu ta bezig cu e renovacion di John F. Kennedy School a wak e situacion y a drenta accion mesora y a bai cu un truck busca santo pa asina basha riba e azeta pa evita desgracia. Varios patruya di polis tambe a presenta pa asina sera e caminda y cu e trahadornan balente di Bohama por haci nan trabounan sin ningun problema. DOW tambe a presenta cu mas santo y tambe cu e truck special pa bari caminda y asina laga tur cos na ordo bek.