Tur bista na e momentonan aki den Caribe ta concentra riba e pasada di e Tormenta Tropical “Matthew” cu Diaranson den oranan di anochi a cobra su prome bida. Tabata riba e isla di St. Vincent cu e prome reporte a drenta cu na momento di e pasada di “Matthew” un baranca lo a cai for di sero y placha un hoben den su camber cu consequencia cu esaki a perde su bida. Tormenta Tropical Matthew ta dunando e islanan parti oost di Caribe bastante awacero compaña pa bientonan fuerte y ta spera cu manjan den oranan di anochi e lo ta yegando parti panoord di e islanan ABC.
https://youtu.be/caZ0dkAFJ7s