Directiva di S.T.A. kier a informa tur e empleadonan di “AAA NV” cu e MEMO# 18-011 cu a sali di parti di gerencia di “AAA NV” no ta contene e berdad pa cu futuro di boso pension.
Desde 2002 sindicato “STA” ta tratando di tur manera pa laga tur empleado bay resorta bou di e fondo di pensioen di “APFA” .E tempo ey e porcentahe cu e compania mester a contribui cun’e tawata hopi halto pero tawata pagel’e pa tur e empleadonan cu bini over di “LUCHTHAVENDIENST” pa “AAA NV” ya cu tur esaki tawata regla den e “Sociaal Protocol” di e tempo ey (1995/96) y tur e trahadonan cu tawata ambtenaar a sigui den “APFA”. E reparticion e tempo ey si “STA” por corda tawata Gerencia di AAA N.V. 28% y e empleado 5%.
Pa tur esunnan cu a drenta servicio despues “AAA NV” a regla un pensioen via di e compania “ENNIA” cu un porcentahe reparti di 10% dunado di trabao y 5% pa e empleado, dus na tur 15%. Esaki sindicato S.T.A. a considera un discriminacion total y a bin ta bringando esaki for di es tempo ey caba. Ta un lucha bastante largo a tuma luga y tawata tin diferente cambionan den e ley di “PENSIOEN”.
Actualmente e compania tin cu paga solamente 16.8% ,sea ta pa “GUARDIAN” of “APFA” reparti den 11.8% pa AAA NV y 5% pa e empleado. Esaki ta contando actualmente pa tur empleado sin distincion. No tin discriminacion mas den esaki segun directiva di STA ,pero e locual cu e empleado cu ta resorta bou di “GUARDIAN” lo haya, den nos concepto ta hopi menos beneficioso cu “APFA” y ta p’esey STA ta bogando pa tur empleado bay resorta bou di “APFA” sea e ta un “IAO’er” of un “CAO’er”.
“AAA NV” a lanta un comite pa asina, segun nan, sondea e otro alternativanan pa cu e pensioen di e empleadonan, principalmente esunnan cu ta den “GUARDIAN” .Sindicato STA tambe a forma parti di e comision aki pero lamentablemente a conclui cu gerencia no kier tende nada otro cu “GUARDIAN” y ta pa es motibo aki directiva di “STA” a entrega su retiro for di e “COMMITTEE” pasobra nos no kier perde mas tempo mirando e hecho cu mayoria di e empleadonan kier bay “APFA”.
Tambe STA a bin compronde cu “GUARDIAN GROUP” a retira por lo menos 100 empleado na nos hermana Isla Corsou segun prensa skirbi y tambe cu un di e accionista nan a baha bay cu no menos cu 150 miyon, tur esaki a sali den prensa.
No tin nada di evalua manera e memo ta bisa. Empleadonan a papia cla cu nan no kier keda cu “GUARDIAN” mas y 71 persona entre nan “IAO’ers y CAO’ers” a yena e formulario pa demostra esaki y STA ta sigur cu tin mas cu lo bay sigui yena pero e tempo ta birando cortico y ta pa es motibo aki mes STA a pidi mediador di gobierno pa organisa un referendum y auspicie pero esaki no ta posibel segun e pero loke si e por haci ta auspicia un “VOTACION” cu lo mester tuma luga a corto plazo, es decir den e luna di November aki mes(2018) caminda tur empleado cu ta resorta boa di “Guardian” actualmente por bin vota y dicidi cua fondo di pensioen e kier pa maneha su pensioen. Desde 30 di April 2018 a bolbe informa GERENCIA di AAA NV cu e empleadonan kier bay APFA y te awe ta blo bira rond (Beat Around the Bush) pa no laga nos bay resorta bou di APFA. Den concepto di STA, APFA ta miho y lo bo tin un miho pensioen y lo mas importante ta cu “APFA” TA DI NOS.
Recientemente dos (2) empleado coleganan di nos a bai cu Pensioen di Guardian un di nan cu 15 aña di servicio ta cobrando Awg 250,= florin pa luna na pensioen y e otro cu 18 aña di servicio ta cobrando Awg 300,= pa luna na pensioen di Guardian.
Kico tin di sconde den tur e asunto aki nos di directiva di STA no por compronde y directiva di STA a acerca su excelencia Minister Sr. Dangui Oduber y e tambe ta sostene e pensamento pa tur e empleadonan cu ta traha na AAA NV bay resorta bou di e fondo di pensioen di APFA. A caso “Guardian” no tin e placa pa pasa over pa APFA ??? , tin cierto hende nan cu NO lo wordo beneficia mas???
Directiva di STA ta convoca un reunion cu caracter di urgencia pa DIAHUEBS AWOR 15 di NOVEMBER 7:30 p.m. na Sede di SIMAR (Sabana Blanco)
E puntonan di agenda ta como lo siguiente.
1. APERTURA
2. ULTIMO DESAROYONAN
3. PENSIOEN APFA
4. APROBACION PA ACCION
5. PALABRA LIBER
6. CLAUSURA
E reunion aki ta pa tur empleado di AAA NV sin distincion.